"Сиз зўрсиз!"

"Сиз зўрсиз! Сизга етадигани йўқ! Ҳаммадан кучлисиз! Сиздэк одамни бошқа кўрмаганман!"
Қалай, ёқиб кэтдими? Ҳа, мақтов кимга ҳам ёқмайди, дэйсиз. Лэкин бу мақтовлар сизга эмас, айтмоқчи бўлганларимга бир мисол эди.
Ҳаммамиз ҳам мақтовни яхши кўрамиз. Гарчи, 99% ҳолатда улар самимий бўлмасада, гарчи, буни билсакда. Биров бизни мақтаса, шу "гарчи"ларга ҳам қарамай, яхши қабул қиламиз, чиройли муомала қиламиз ўша одамга ҳам. Мақтов нэга одамга ёқади? Бу саволга жавоб қидирмоқчи эмасман. Чунки, мақтов шунчаки, яхши, ёқимли. Ёзаётганларимдан мақсад эса, огоҳлантириб қўйиш!
"Нимасидан огоҳлантирасан, нимаси ҳавфли буни? Нима, мақтаб пулимни олиб қўярмиди?" дэйишингиз мумкин (ҳавф дэганда пул кэтишини тушунадиган бўлиб қолганимиз алоҳида мавзу). Лэкин мэн бошқа нарсадан огоҳлантирмоқчиман. Сўзимга исбот тариқасида адолати, тақвоси, сахийлиги, умуман, исломга кирганидан кэйинги бутун ҳаёти бизга ўрнак бўлиши мумкин бўлган Умар (р.а) ҳаётларидан бир воқэани эшитганларга эслатсам, эшитмаганларга ҳикоя қилсам...
Ҳазрати Умар (р.а) вафот этаётганларида қаттиқ йиғладилар. Атрофдагилар "Сиз тириклигида жаннат башоратини олган ўн сахобадан бирисиз, кўп яхши амаллар қилгансиз, ёмон амалингизни кўрмаганмиз," дэйишди. Шунда Умар (р.а) "Бундай қилиб мэни ўзимга мақтаманг, ихлосимдан айрилиб қолишдан қўрқаман," дэдилар. Мэнимча, тушундингиз!
Мана, нимадан огоҳлантирябман!
Мана, қандай ҳавф бу!
Мана, нимадан қўрқишимиз кэрак!
Кимдир бизни ўзимизга мақтаса, бу бизга ёқиб, кэйинги сафар ўша мақталишимизга сабаб бўлган ишимизни янада зиёдароқ қилишга ҳаракат қиламиз. Бу бир қарашда яхши, аммо, бу сафар ўша мақтовга яна эришиш учун, мақтаган инсонга янада яхшироқ кўриниш учун ҳаракат қилганимиз, ўша амалнинг хақиқий фойдасини, ажрини пучга чиқариб қўяди.
Кэлинг, бизни одамлар эмас, уларнинг Яратувчиси мақташи учун ҳаракат қилайлик! Одамларга эмас, У Зотга ёқиш учун ҳаракат қилайлик! Майли, бу ҳаракатимиз кимгадир ёқмаса ҳам.
Сизни Аллоҳ мақтасин!

Ўлдинг, Азиз Бўлдинг

     "Божалар" гуруҳининг "Жийда гуллаганда" қўшиғини эшита туриб, бир нарсани ўйлаб қолдим. Агар орамиздан Мўмин Ориповни олиб кэтган ўша автоҳалокат Жаҳонгир Позилжоновни ҳам олиб кэтганида, нима бўларди? Камида уни ҳам кўкларга кўтариб, "устоз" дэб юборувчилар чиқиб қолармиди... Билмадим.
     Бу гапларим билан Жаҳонгир бэкор ўлмай қолди, ёки Мўминни нохақ мақташади, дэмоқчи эмасман. Шунчаки, тириклигида фақат танқид қилиб, ёмон кўриб, ўлганидан кэйин "чин мухлиси"га айланиб қолувчиларни йўқлаб қўйгим кэлди.
     Мўмин Орипов ҳам Жаҳонгир Позилжонов нимани айтса, ўшани айтган, танқидларни ҳам бирга эшитган ўз вақтида. Жаҳонгир Позилжоновни ўзига устоз дэб билишини кўп қайтарган ҳам. Энг қизиғи, ўша машъум автоҳалокатдан кэйин кўпчилик "Мўмин яхши айтарди, қўшиқларини маза қилиб эшитардим," дэб қолди. Жаҳонгирни эса, ҳали ҳам танқид қилишмоқда. Ўлиб қутулади-ёв )
     Мэни ҳаммасидан кўп ҳайратлантиргани, Мўминни мақтаётганлар ичида тириклигида танқид қилганлар ҳам етарлича топилиши... Танқид қилишдан мақсад нима эди-ю, мақташдан мақсад нима?
    Бу мулоҳазаларимга "Божалар" гуруҳи биргина мисол холос. Яна кўплаб мисоллар кэлтириш мумкин. Масалан, "Радиус21" ҳам ҳаётлигида кўплаб танқидчиларга "гўшт" бўлган. Ҳозир эса, ўзингиз биласиз...
     Очиғи, бу гапларимни давом эттиргим кэлмай қолди. Шунинг учун 2оғиз гап билан якунлаб қўйсам. Халқимиз ғийбатчи, майдагап, лаганбардор халқ эмас-ку?! Қайдан кэлди, бундай иллатлар? Кимнидир яхши кўрасизми, уни фақат яхши кўринг. Ёмон кўрасизми, яхшиси у ҳақда гапирмай қўяқолинг. Эртага бу дунёдан кэтиб қолса, уялиб қолишингиз мумкин. Нэга, дэйсизми? Ҳа, энди, ўлганидан кэйин сўкиб юрмайсиз-ку, албатта, икки оғиз яхши гап айтасиз. Агар тириклигида сўкиб юрган бўлсангиз, виждонингиз олдида уялиб қолманг, дэйман-да.
     Гапларимнинг хулласи, ҳаммани бир ҳил яхши кўринг. Ўлмай, азиз бўлинг. Омон бўлинг.